Темірбек Қожакеев атындағы №39 жалпы орта білім беретін мектеп-гимназиясында 2025 жылғы 5 қазан – Дүниежүзілік мұғалімдер күніне орай «Ұстаз – ұлағатты есім» тақырыбында бірыңғай ашық тәрбие сағаттары өткізілді. Мақсаты – ұстаздық мамандықтың қоғамдағы мәртебесін арттыру, ұстаздарға деген құрмет пен алғысты қалыптастыру, оқушылардың бойында ұстаз еңбегіне деген сүйіспеншілік пен қадірлеу сезімін ояту.  

Темірбек Қожакеев атындағы №39 жалпы орта білім беретін мектеп-гимназиясында «Өзін-өзі басқару» ұйымы мен «Жас Ұлан» ұйымының белсенділері «Ұстаздарға мың алғыс!» құттықтауын ұйымдастырды. Ұйым белсенділері ұстаздарды ашық хаттармен және көңілді әуенмен құттықтап қарсы алды. Сондай-ақ «Ұстазыңды құттықта» атты тілек бұрышында оқушылар өздерінің ұнатқан ұстазына тілектерін білдірді.   

«Адал азамат» біртұтас тәрбие жоспарына сәйкес «Ұстаз күні» мерекесінде өскелең ұрпақтың ұстаздарға деген құрметі мен сүйіспеншілігін арттыру мақсатында Республикалық «Даналық ұстаздан» челленджіне Темірбек Қожакеев атындағы №39 жалпы орта білім беретін мектеп-гимназиясының білім алушылары белсене қатысты.