5-қыркүйек "Қазақстан халқы тілдері" күні

Темірбек Қожакеев атындағы №39 ЖОББМГ-да бүгін 5-қыркүйек "Қазақстан халқы тілдері" күні мерекесіне орай ұлт ұстазы - Ахмет Байтұрсынұлының туған күнімен сәйкес келгендіктен оқушылардың өз ана тіліне деген құрмет сезімін арттыру мақсатында "Ұлт ұстазы - Ахмет Байтұрсынұлы" тақырыбында ұйымдастырылған онкүндіктің ашылу салтанаты өтті. Мектебіміздің тәрбие ісі жөніндегі орынбасары Жанаханова Раушан Жұмаділқызы құттықтау сөзін сөйледі. Мектептің өнерпаздары ән айтып, күй тартып, ұлттық аспаптарда ойнап өнер көрсетті. Қатысушылар "Ана тілі", "Отан" туралы өлең шумақтарын мәнерлеп нақышына келтіріп оқыды. Онкүндік іс-шараға мектептің барлық әдістемелік бірлестіктері ат салысады.