«Салауатты тамақтану және тағам өнімдерінің қауіпсіздігі» дөңгелек үстел өткізілді.

«Салауатты  тамақтану және тағам өнімдерінің қауіпсіздігі»  дөңгелек үстел

№39 жалпы білім беретін мектебінде 2022 жылдың 7 қарашада «Салауатты  тамақтану және тағам өнімдерінің қауіпсіздігі»атты дөңгелек үстел өтті. Іс-шараға 6 сынып оқушылары қатысты.
Тасбагамбетова Г.А, САркулова  Ж.Қ, және тағы басқа сынып жетекшілер ұйымдастыруымен оқушыларға тамақтану тәртібі, тамақтанудың негізгі ережелері , тамақтану процесінің принциптері, тамақ ішу тәртібі туралы айтып өтті. Слайд, видео сабақ көрсетілді.  Тамақтану сауаттылығының бес негізі бар екенін оқушылар танысты.
 • 1) Тамақ құрамында негізгі қоректік заттардың болуы (нәруыз, май, көмірсу);
 • 2) Тамақ рационында қосымша заттардың болуы (витаминдер, микроэлемент);
 • 3) Тамақ нәрлігі адам жасына, денсаулық күйіне, табиғат климатына байланысты;
 • 4) Тәулік бойынша тамақтану тәртібінің мөлшерін сақтау;
 • 5) Тамақтанудың санитарлық – гигиеналық нормаға сай болуы.
 Тамақтану тәртібі дегеніміз –ас қабылдауда белгілі бір уақытқа бағыну, сондай - ақ тамақтану кезінде астың мөлшерін және мәзірін сақтау деген ұғымды білдіреді.
 Сонымен бірге оқушылар топтаса отырып тапсырмалар орындады. Тапсырмалар легі төмендегідей болды:
 1 тапсырма «Оқушылардың тамақтану тәртібі» Мұнда оқушылар мұғалім ұсынған мәліметтерін пайдалана отырып, тамақтану тәртібінің кестесін құрды.
 2 тапсырма «Оқушылардың дұрыс тамақтануы туралы сауалнама» оқушылар берілген сауалнама сұрақтарына жауап берді. Сауалнама сұрақтары тамақ құрамындағы калориялар мен оның жұмсалуы, жас ерекшеліктеріне сәйкес қандай адамға қанша калория керектігін, дұрыс тамақтанудың қаншалықты ағзаға әсерін негіздеуге берілді.
 3 тапсырма «Балаларға арналған сағыз зиян емес пе?» тақырыбында оқушылар өз ойларын ортаға салды. Тапсырманы орындауда сағыздың зияны мен пайдасын қатар айта отырып, қорытынды жасады.
 Оқушылар дөңгелек үстел соңында «Салауатты  тамақтану және тағам өнімдерінің қауіпсіздігі» жайында біле  отырып, дұрыс тамақтану қағидаларын ұстану өте қажет және жас ағзаның қалыпты жағдайда дамуына тамақтанудың тигізетін әсері мол деген қорытындыға келді.