«Ұлы даланың тарихи куәгерлері» тақырыбында айлық іс-шарасының ашылу салтанаты өткізілді.

    Темірбек Қожакеев  атындағы №39 жалпы орта білім  беретін  мектеп-гимназиясының  тарих пәні  бірлестігінің  2022 жылдың желтоқсан  айының  02-15 күндері  аралығында  «Ұлы  даланың  тарихи  куәгерлері» тақырыбында  айлық  іс-шара  жоспары  жасалынып  бекітілді.  2022  жылдың  желтоқсан айының  2-і  күні   айлықтың  ашылу  салтанаты  тарихи - танымдық  кеш   түрінде  ұйымдастырылып, тәуелсіздікпен  тікелей  байланысты ұлы  тұлғалардың  және  тәуелсіздікте  қол  жеткізген  жетістіктерміздің  атаулы  жылдарына  аса  мән  берілді. Кешті  мектеп  директоры  Тлеубердиева  Гүлжан  Ержанқызы  ашып,  ұстаздар  мен  оқушыларға  айлық  барысында  сәттілік  тіледі.  Тарихи-танымдық  кеште   Қаз  дауысты  Қазыбек  бидің - 350 жылдығына  арналған  сахыналық  қойылым  қойылса, Кенесары Қасымұлының  туғанына  - 220 жылдығына  тарихи  шолу  жасалды. Ахмет Байтұрсынұлын  сомдаған  оқушылар  өлеңдерін  оқыса,  Дінмұхамед Қонаевтың  туғанына -110 жылдығына  байланысты  қоғам  қайраткерінің  нақыл  сөздеріне  тоқталды.  Кеш  қорытындысында    Қазақстанның  Мемлекеттік  Рәміздерінің  30 жылдығына  орай  Елтаңба, Ту ,Гимнге  арналған  шабытты  арнау  өлеңдері  оқылып,  5-сынып  оқушыларының  орындауында  «Тәуелсіз  Қазақстан»  әні  хормен  орындалды.