«Тәуелсіз-ел тілегің» атты сынып сағаты өткізілді.

Темірбек Қожакеев атындағы №39 жалпы орта білім беретін мектеп-гимназиясында  6«Б» сыныбымен Қазақстан Республикасының тәуелсіздік мерекесіне  орай «Тәуелсіз-ел тілегің» атты сынып сағаты өткізілді. Мақсаты: еліміздің тәуелсіздік алу жолындағы ата - бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға - апалардың ерлігін үлгі етіп көрсету. Ұлттық сезім, ұлттық мақтаныш, ұлттық сана, ұлттық парызды әрбір қазақ баласының бойына дарыту. 
Тәрбие сағаты мемлекеттік гимнды шырқаумен басталды.   Сабақты өткізілу барысында жүргізушілер сыныпты  3 топқа бөлініп, тапсырмаларымен таныстырды.  Топтар постермен жұмыс жасап, еліміз тәуелсіздік алған күннен бастап қандай жетістікке жеткені, 16 желтоқсан оқиғасы туралы жинаған мәліметтермен бөлісті.Оқушылар қазақ халқы еркіндікке жету үшін қаншама қиын – қыстау кезеңдерді бастан кешіргені туралы  бейнероликке назар аударды.
Тәрбие сағатын қорытындылау барысында  жүргізуші  қазақтың белгілі ақыны Мұхтар Шахановтың. “Төрт ана” өлеңін оқыды. 


Жетекшісі: Ж.К.Саркулова