«Жаяу жүруші - назар аудар!» тақырыбында бейнефильм көрсетілді

Темірбек Қожакеев атындағы №39 жалпы орта білім беретін мектеп-гимназиясында 2025 жылдың 13-23 қаңтар аралығында өткен «Абайлаңыз балалар» республикалық акциясы аясында «Жаяу жүруші - назар аудар!» тақырыбында бейнефильм көрсетілді. Іс-шараға «Жас Ұлан» ұйым мүшелері, мектебіміздің 5-6 сынып оқушылары қамтылды. Бұл шараның мақсаты балаларды жол қауіпсіздігі ережелерімен таныстыру, жаяу жүргіншілердің жолдағы қауіпсіздігін арттыру, жол апаттарының алдын алу бойынша ақпараттандыру болды. Іс-шара барысында мектеп инспекторы Г.Килибаева, ДТЖО Ж.Тұрсынов, ДҚТЖО А.Жумагулов мектеп оқушыларына жолда жүріп-тұру кезінде қауіпсіздік шараларын сақтау қажеттілігі туралы түсіндірді. «Жаяу жүруші-назар аудар!» тақырыбында бейнефильм оқушылардың жол қауіпсіздігі туралы білімдерін нығайтуға бағытталған, сондай-ақ оларды әртүрлі жол жағдайларында сақ болуға шақыру болды. Бейнефильмде жол қозғалысы ережелері, жаяу жүргіншілердің қауіпсіздігі және жолда абай болудың маңызы туралы нақты мысалдар келтірілді. Оқушылар бейнефильмді көріп, көше қозғалысының қауіптерінен сақтану және жолда өзін дұрыс ұстау туралы маңызды білімдер алды, білім алушылар жол қозғалысы ережелері бойынша өздерін қызықтыратын сұрақтарды қойып, оған толық жауаптар берілді.