«Таңғажайып би әлемі» атты би байқауы өтті

Темірбек Қожакеев атындағы №39 жалпы білім беретін мектеп – гимназиясында «Жас Ұлан» ұйымы мен «Өзін-өзі басқару» ұйымының ұйымдастыруымен 9-10 сынып білім алушыларының арасында «Таңғажайып би әлемі» тақырыбында би байқауы өтті. «Таңғажайып би әлемі» би байқауы – бұл білім алушылардың шығармашылық қабілеттерін дамыту және би өнеріне деген қызығушылығын арттыру мақсатында ұйымдастырылған іс-шара. Байқау «Біртұтас тәрбие бағдарламасын» іске асыру аясында өткізілді және оның басты мақсаты – білім алушылардың өнерге деген сүйіспеншілігін қалыптастыру, эстетикалық талғамдарын жетілдіру және ұжымдық шығармашылық арқылы мәдени-рухани құндылықтарды насихаттау.
Байқауға әртүрлі жас санатындағы қатысушылар тартылып, олар өз шеберліктерін әртүрлі бағытта  көрсетті. Іс-шара барысында ұлттық және заманауи би түрлері орындалып, қатысушылардың әрқайсысы ерекшеліктерімен көрермендерді таңғалдырды.Байқау соңында жеңімпаздар мен жүлдегерлер анықталып, марапатталды.