«Бір Отан- бір отбасы» тақырыбында ашық тәрбие сағаттары өткізілді

Темірбек Қожакеев атындағы №39 жалпы орта білім беретін   мектеп-гимназиясы «Алғыс айту» күніне орай өткізілетін іс-шаралар жоспарына сай  «Бір Отан- бір отбасы» тақырыбында   ашық тәрбие сағаттары өткізілді. Іс-шараның мақсаты – оқушыларға Қазақстанның көпұлтты қоғамындағы достық, татулық және бірлік құндылықтарын түсіндіру, патриоттық сезімдерін дамыту.
Тәрбие сағаты барысында оқушылар Отан туралы өлеңдер оқып, мәнерлеп сөйлеу сайысына қатысты. Қазақстан халқының бірлігі мен ынтымағы туралы видеороликтер көрсетілді. Сонымен қатар, оқушылар әртүрлі ұлттардың мәдениеті мен дәстүрін таныстырып, олардың киім үлгілері мен ұлттық тағамдарын таныстыру шаралары ұйымдастырылды.
Іс-шараның қорытындысында ұстаздар мен оқушылар бейбітшілік пен келісімнің маңыздылығы туралы өз ойларымен бөлісіп, бірлікті нығайтуға шақырды. Тәрбие сағаттар жоғары деңгейде өтіп, қатысушыларға ерекше әсер қалдырды.