«Тәуелсіздік – еліміздің баға жетпес байлығы» атты эссе байқауы өткізілді

Темірбек Қожакеев атындағы №39 жалпы орта білім беретін мектеп-гимназиясында  «Тәуелсіздік – еліміздің баға жетпес байлығы» атты 8–11 сынып оқушылары арасында эссе байқауы өткізілді. Мақсаты: оқушылардың ұлттық құндылықтарға деген құрмет сезімін қалыптастыру, ойын сауатты әрі шығармашылықпен жеткізу арқылы еліміздің тәуелсіздігі туралы түсінігін кеңейту, патриоттық тәрбие беру. 
Оқушыларға көлемі 250–300 сөзден құрылған, әдеби стильде, тақырыпты ашатын көркемдегіш құралдарды орынды қолданып, нақты деректер мен дәлелдер келтіріп эссе жазу ұсынылды. Жазба жұмыстарын сараптау үшін мектептің қазақ тілі мен әдебиеті пәні мұғалімдерінен әділқазылар алқасы құрылды. Әділқазылар алқасының шешімі бойынша жеңімпаздарға Алғыс хаттар мен мақтау қағаздары табысталды.