Салауатты өмір салтына бейімдеу

Темірбек Қожакеев атындағы №39 жалпы орта білім беретін мектеп-гимназиясының 2023-2024 оқу жылындағы 2-27 қазан аралығында  дене шынықтыру пәнінің « Салауатты өмір салтына бейімдеу, спорттың әр түріне қызығушылықты ояту арқылы  оқушылардың денсаулығын сақтау және нығайту, білімді, өнерлі, намысшыл, парасатты еңбекқор ұрпақ қалыптастыру» тақырыбындағы әдістемелік айлығы аясында дене шынықтыру пәні мұғалімі Д.Ерназар бесінші қазан күні 9 «Ә» сыныбында «Волейбол. Ойын ережелері»тақырыбында ашық сабақ өткізді.Педагог сабақ барысында волейбол ойынының қимыл қозғалыс комбинацияларын меңгере алу, олардың орындалу реттілігін көрсету, волейбол алаңында допты төменнен қабылдау жаттығуларын жасау бойынша оқу мақсатына негізделген тапсырмаларды шеберлікпен ұсына білді. Сабақ  амандасудан, дене қыздыру жаттығуынан басталды. Волейболдың ережесін есіне салып, доппен оң және сол қолмен тордан асыра соғу, допты екі қолмен кезек астынан не үстінен қабылдап алу, екіден тор арқылы допты бірі-біріне лақтыру жаттығулары теориялық әдістерін көрсетіп,сабақ командалық ынтымақтастықтағы ойынға жалғасты.