№39 Т.Қожакеев атындағы орта мектеп-гимназиясында ҚР тұңғыш Президенті күніне орай өткізілген дөңгелек үстел

2017 жылдың қараша айының 23-і күні ҚР тұңғыш Президенті күніне орай «Дәуірдің асқақ саңлағы» тақырыбында 10 сынып оқушылары арасында дөңгелек үстел өткізілді. Дөңгелек үстелді тарих пәні мұғалімдері Г.Баубекова және Д.Исакулова ұйымдастырды. Іс-шараның негізгі мақсаты: жас ұрпаққа Елбасының сан қырлы талант иесі, салиқалы саясаткер, құдіретті тұлға екенін танытып, Елбасыдан үлгі алуға тәрбиелеу. Осы мақсатты жүзеге асыру барысында ҚР тұңғыш Президенті туралы деректі фильм көрестілді. Оқушыларға Елбасы туралы жан-жақты сұрақтар қойылып, ой туындатты. Әңгіме саясат жайында, президенттің төл туындылары, әлем басшыларының көзқарастары бағытында өрбіп, оқушылар өз ойларын ортаға салды. Мектеп кітапханашысы П.Шамшиева кітапханадағы «Тұңғыш Президент» бұрышындағы көрмемен таныстырып, кітаптарды оқуға кеңес берді. Қорытындысында директордың тәрбие ісі жөніндегі орынбасары Г.Бегимбаева іс-шараның мағынасы мен мәніне тоқталып, ізгі тілек білдірді.