Жас маман байқауы

№39 Темірбек Қожакеев атындағы жалпы орта білім беретін мектеп-гимназиясының жас мамандары арасында «Жаңа мектепке – жаңашыл ұстаз» атты байқауы болып өтті. Байқауды бағалау  үшін мектеп директоры  мен   оның орынбасарлары  әділқазылар етіп тағайындалды. Байқау мынадай шарттардан тұрды:

      1-кезең. Өзін-өзі таныстыру – 3 мин. 

      2-кезең. Ашық сабақтан үзінді көрсету – 15 мин.

      3-кезең. Белгілі тақырыпқа сабақ жоспарын құру – 3-5 мин

      4-кезең. Өз өнерлерін көрсету – 4 мин

      5-кезең. Ситуациялық тапсырмалар орындау – 1 мин

Осы шарттарды орындауға келісіп, ниет білдірген жас мамандар мыналарды құрады:

1. Мектеп психологы жас маман – Сауыт  Фариза
2. Ағылшын тілі  пәні мұғалімі жас маман – Абдалимова  Сандуғаш
3. Қазақ тілі мен әдебиеті пәні мұғалімі жас маман – Досмахамбетов  Серік
4. Технология  пәні мұғалімі жас маман – Әлімқұл Нұркелді
5. Бастауыш сынып мұғалімі жас маман – Ыдырысова  Айнұр
6. Дене шынықтыру пәні мұғалімі жас маман –Акчекеев  Тимур

Байқау екі жүргізуші таныстырумен басталды. Байқау шарттары және әділқазы алқаларымен таныстырып өтті. Байқауға қатысатын жас мамандар сахнаға шақырылды. Олар әділқазылар алдына қойылған гүлді таңдау арқылы   нөмірленді де, сол тәртіппен өнерлерін көрсетті.

Тәртіп сақтай отырып жас мамандар тапсырмаларды орындады. Сабақ жоспары бойынша әділқазылар сұрақтарына жауап берді. Тапсырмалар орындау барысында қиындықтар да болды әрине, бірақ жас мамандар барлық тапсырмаларды ойдағыдай орындап шықты.

Байқау қорытындысы бойынша  қазақ тілі мен әдебиеті пәні мұғалімі жас маман – Досмахамбетов  Серік ағай     жеңімпаз болды. Ол аудандық жас мамандар байқауына қатысуға жолдама алды.