Темірбек Қожакеев атындағы №39 жалпы орта білім беретін мектеп-гимназиясында «Өзін-өзі басқару» ұйымы мен «Жас Ұлан» ұйымының белсенділері «Ұстаздарға мың алғыс!» құттықтауын ұйымдастырды. Ұйым белсенділері ұстаздарды ашық хаттармен және көңілді әуенмен құттықтап қарсы алды. Сондай-ақ «Ұстазыңды құттықта» атты тілек бұрышында оқушылар өздерінің ұнатқан ұстазына тілектерін білдірді.   

«Адал азамат» біртұтас тәрбие жоспарына сәйкес «Ұстаз күні» мерекесінде өскелең ұрпақтың ұстаздарға деген құрметі мен сүйіспеншілігін арттыру мақсатында Республикалық «Даналық ұстаздан» челленджіне Темірбек Қожакеев атындағы №39 жалпы орта білім беретін мектеп-гимназиясының білім алушылары белсене қатысты.

Темірбек Қожакеев атындағы №39 жалпы орта білім беретін мектеп-гимназиясында ұстаздар күніне орай 11 сынып түлектері "Ұстаз-ұлт шамшырағы" тақырыбында іс-шара ұйымдастырды. «Ұстазы жақсының ұстамы жақсы» демейді ме қазақ, демек ұстаз оқушыға тек білім бермейді, сонымен қатар өмір сүруді үйретеді, әлемді танытады, өнерге баулиды. Ұстаз есімін ұлы деп білеміз.Ендеше, қиындығы мен қызығы қатар жүретін, өзгелердің бақытын бағатын мамандық иесі, — ұстаздар, мерекелеріңізбен құттықтаймыз!