«Темірбек Қожакеевтің құнды қазынасы» тақырыбында мектеп музейіне экскурсия ұйымдастырылды.

    06-07.12.2022 жылы  Темірбек  Қожакеев  атындағы №39  жалпы орта білім  беретін мектеп-гимназиясының  тарих  апталығында  «Темірбек  Қожакеевтің  құнды  қазынасы»  тақырыбында  мектеп  музейіне  экскурсия  ұйымдастырылды. 

       Іс-шараның  негізгі  мақсаты:  оқушыларға  өлкетану  бағыты  бойынша  ауданымыздың  құрметті  азаматы, профессор, филология  ғылымдарының  докторы, жазушы, Қазақстанның  еңбек  сіңірген  қоғам  қайраткері  Темірбек  Қожакеевтің  өмірін  келешек  ұрпаққа  насихаттай  отырып, оның  еңбек  жолдарын, өнегелі  істерін  насихаттау.

     Экскурсияға  5-7  сынып  оқушыларынан  105  оқушы  қатысты. Темірбек  Қожакеевке  арналған  музейде  ғалымның  өмірбаяны, оның  ұстаздық  қызметі, ғылыми  еңбектері  және  оның  ұрпақтары  мен  замандастарының  естеліктері  таныстырылды. Сонымен  қатар, жазушының  кітаптары  мен  марапаттары  туралы  мағлұмат  берілді. Экскурсияның  нәтижесінде  оқушылар  ғалымның  ұлағатты  істері  мен  өнегелі  еңбегінен  үлгі  алып, өлкеміздің  мақтаныш  тұлғасы  туралы  толық  мәлімет  алды.