«Қазақ тілі мен әдебиеті сабағында оқу мақсатына сәйкес тапсырмаларды құрастыру және оның тиімділігі» тақырыбында қазақ тілі мен әдебиеті пәні мұғалімдеріне арналған аудандық семинар – практикум өтті.

Темірбек Қожакеев атындағы №39 жалпы орта білім беретін мектеп-гимназиясында 2023 жылдың ақпан айының 2-сі күні «Қазақ тілі мен әдебиеті сабағында оқу мақсатына сәйкес тапсырмаларды құрастыру және оның тиімділігі» тақырыбында қазақ тілі мен әдебиеті пәні мұғалімдеріне арналған аудандық семинар – практикум өтті.
    Семинардың мақсаты: қазақ тілі мен әдебиеті сабақтарында білім алушылардың шығармашылық қабілеттерін дамыта отырып, оқу мақсатына сәйкес тапсырмаларды құрастыру және оның тиімділігін арттыру бойынша іс-тәжірибемен  бөлісу.Семинар барысында аудан мұғалімдеріне «Қазақ» газетінің  жарық көргеніне 110-жылға толуына байланысты арнайы көрме ұйымдастырылды, сахналық қойылым көрсетілді.
Семинардың ашылу барысында мектеп – директоры Тлеубердиева Гүлжан Ержанқызы және аудандық білім бөлімінің қазақ тілі мен әдебиеті пәні әдіскері Досмухамбетова Зульфия Мелсқызы семинар мақсаты , өткізілу барысын таныстырып сәттілік тіледі. 
Қазақ тілі мен әдебиеті пәні мұғалімдері С.А.Кушербаева «Қазақ тілі мен әдебиеті сабақтарында ерекше білім беруді қажет ететін балаларға оқу мақсатына сәйкес тапсырма ұйымдастыру және оның тиімділігі» тақырыбында,  Б.Ж.Әбдікерім «Биотехнология – тағам өндірісінде» тақырыбында, С.А.Досмахамбетов Бауыржан Момышұлының « Ұшқан ұя» повесі тақырыбында панорамалық сабақ көрсетіп ұстаздармен іс-тәжірибемен бөлісті.
Іс-шараның қорытындысында аудан ұстаздарымен кері байланыс жүргізіліп, семинардан алған әсерлері мен пікірлері тыңдалды.
Семинар соңында  «Жырлайды жүрек» атты Мұқағали Мақатаевтың шығармашылығына арналған әдеби сазды кеш тамашаланды.