1 маусым "Соңғы қоңырау"

    Темірбек Қожакеев атындағы №39 жалпы орта білім беретін мектеп-гимназиясында 1-маусым Балаларды қорғау күні "Балалар-Жаңа Қазақстанның ертеңі" атты соңғы қоңырау салтанатты жиыны болып өтті. Мектебімізде  күміс қоңыраудың сыңғыры естіліп, ұстаздар түлектерге сәт сапар тіледі. Он бірінші сыныпты бітірушілер өмірге жолдама алып жатса, мектеп табалдырығын өткен жылы алғаш аттаған бүлдіршіндер бір сатыға көтеріліп, ата-ананың, ұстаздар қауымының көз қуанышына айналды. Ата-аналар ұстаздарға арнап алғыстарын білдіріп, мектеп түлектері қоштасу әнін шырқаса, ал мың бұралған биші, домбыраның құлағында ойнайтын мектеп оркестрі және түлектердің мектеп вальсі салтанатты жиынға келген көпшілікке естен кетпес кеш сыйлады. Меркі аудандық ардагерлер кеңесінің төрағасы Жылысбаев Б. С., Меркі ауылдық округінің әкімі Байарыстан Ғ.Д. және Меркі ауданы білім бөлімінің әдіскері Ізбасарова Гүлзира Арынқызы оқушылар мен түлектерге ақ тілектерін білдірді.