12
октябрь
2023
а Мағжан Жұмабаевтың 130 жылдық мерейтойына орай мектепішілік айлықтың ашылуы өткізілді
Бүгін Темірбек Қожакеев атындағы №39 жалпы орта білім беретін мектеп-гимназиясында Мағжан Жұмабаевтың 130 жылдық мерейтойына орай мектепішілік айлықтың ашылуы өткізілді. Мақсаты: Алаштың ардақты ақыны Мағжан Жұмабаевтың шығармаларын насихаттау арқылы елі мен жерін шынайы сүйіп қастерлейтін, шығармашылық қабілеті жоғары дейгейдегі жас ұрпақты тәрбиелеу. Ашылу салтанаты 10-сынып оқушылары Асылбек Нұрдәулет пен Болат Нұртілеудің күмбірлеген домбыра үні "Балбырауын" күйін орындауларымен басталып, әрі қарай 6-сынып оқушыларының ақын өлеңдерін мәнерлеп оқуымен, жас ақын Әбдімомын Жансейіттің ақынға арнауымен ұласты. Сонымен қатар мың бұралып қазақ биін билеген Сматай Жанеркенің биімен жалғасын тапты. Қорытындысында ақынның "Сен сұлу" әнін Есеналы Жанайым әсем дауысымен шырқап берді. Осы орайда бір ай бойы ақынның шығармашылығына арналған мектепішілік іс-шаралар жоспар бойынша жоғары деңгейде өткізіліп, өз мақсатына жететініне сенімдіміз.