«Еңбекте батырлар туады» тақырыбында эссе байқауы өтті.

Темірбек Қожакеев атындағы №39 жалпы орта білім беретін мектеп-гимназиясында 8-11 сынып білім алушылары арасында «Еңбекте батырлар туады» тақырыбында эссе байқауы өтті. Байқаудың мақсаты - балаларды кез-келген еңбектің маңыздылығын түсінуге жетелеу. 
Білім алушылар байқауға белсенді түрде қатысып, тынбай еңбектенудің арқасында атақты еңбек ерлерінің жетістіктері туралы мәліметтермен бөліскен. Түрлі мамандықтар жөнінде өз ойларын айқын, жүйелі түрде жеткізе білді. Эссе жазуда көркемдегіш құралдарды, мақал-мәтелдерді, ұлы даналардың еңбек туралы нақыл сөздерін орынды қолданған. Нәтижесінде әр білім алушы «Еңбек ер атандыратынын», сондай-ақ олар кез-келген істің маңызды екеніне көз жеткізді.
Қорыта келе, білім алушылар «Еңбегіне қарай өнбегі» дегендей еңбектің жетістікке жетелейтін маңызды құрал екенін терең ұғынды.