«Еңбек нарығындағы сұранысқа ие мамандықтар» тақырыбында кездесу сағаттары өтілді.

2025 жылдың қаңтар айының 13-15 күндер аралығында «Темірбек Қожакеев атындағы №39 жалпы орта білім беретін мектеп-гимназиясы» коммуналдық мемлекеттік мекемесінде 7-8 сынып және 9,10,11 сынып оқушыларымен «Еңбек нарығындағы сұранысқа ие мамандықтар» тақырыбында кездесу сағаттары өтілді.
Кәсіптік бағдар беруші педагог А.С.Талпакова Мемлекет басшысының Жарлығымен «2025 жыл - Жұмысшы мамандықтарының жылы» болып жариялануы жайлы ақпарат беріп, түсіндіру жұмысын жүргізді.
Мақсаты: Еңбек нарығының нақты сұраныстарын ескере отырып, әлеуметтендіруге бағыттау. Өзгермелі даму үстіндегі ортада өмір сүруге бейім, бәсекеге қабілетті және құзыретті шығармашыл, білімді тұлғаны дамыту және қалыптастыру.
 2024 жылғы Қазақстан Президенті Қасым-Жомарт Тоқаевтың Жолдауы мемлекет дамуының негізгі бағыттарын айқындап берді.
 Әлеуметтік-экономикалық мәселелерден бастап, экология мен саяси реформаларға дейінгі әртүрлі салада маңызды реформалар ұсынылды.
 Жұмысшы мамандықтарының маңыздылығын арттыру,техникалық және кәсіптік білім беру жүйесін реформалауды жүзеге асыру мақсатында Үкімет жұмысшы мамандықтарының жылын ұйымдастыру жөніндегі республикалық жоспарын, кәсіптік-техникалық білім беруді трансформациялаудың 2025-2027 жылдарға арналған Жол картасын бекітті.
 Өңірлік ерекшеліктерді ескере отырып, Жаңа мамандықтар атласын әзірлеу, кәсіптік бағдар беру тұжырымдамасын жүзеге асыру,техникалық және кәсіптік білім беруді трансформациялау.
 Жоғары сынып оқушыларын практикалық дағдыларға және колледждер базасында алғашқы жұмыс базасында алғашқы жұмыс кәсібіне оқыту тәжірибесін енгізу.