“Құқық және тәртіп туралы не білеміз?” тақырыбында интеллектуалдық ойын өткізілді

Темірбек Қожакеев атындағы №39 жалпы орта білім беретін мектеп-гимназиясында қаңтар  “Заң және тәртіп”  айының   жоспарына сәйкес 10-сыныптар арасында “Құқық және тәртіп туралы не білеміз?” тақырыбында интеллектуалдық ойын өткізілді. Интеллектуалдық ойынның негізгі мақсаты – оқушылардың құқықтық сауаттылығын арттыру, заңға бағынушылық мәдениетін қалыптастыру, құқықтық тәртіп туралы білімдерін тереңдету және өз құқықтарын қорғауға қабілетті азаматтарды тәрбиелеу. Интеллектуалдық ойын бірнеше кезеңнен тұрды, оның ішінде:

• Құқықтық сауаттылықты тексеру сұрақтары;
• Жағдаяттық тапсырмалар шешу;
• Командалық пікірталастар;
• Практикалық құқықтық мәселелерді талдау.

Іс-шара барысында оқушылар өз білімдерін көрсетіп, құқықтық сауаттылықтарын арттырды. Қатысушылар заң талаптарын түсіну мен құқықтық нормаларды қолдану дағдыларын дамытты. Сонымен қатар, ойын оқушылар арасында ынтымақтастық пен командалық рухты нығайтуға ықпал етті. Ойын құқықтық тәртіп пен заңға бағынушылықтың маңыздылығын ұғынуға, жасөспірімдердің құқықтық мәдениетін қалыптастыруға және олардың азаматтық жауапкершілігін арттыруға бағытталды.