Модуль «Фирмалық стиль» -заманауи білім берудегі мектеп бейнесі» тақырыбында пікірталас алаңы ұйымдастырылды

Темірбек Қожакеев атындағы №39 жалпы білім беретін мектеп – гимназиясында  мектеп формасының классикалық киім үлгісін насихаттау және білім берудің зайырлы сипатын қалыптастыру туралы кешенді медиа жоспарға сәйкес 9-11 сыныптарында «Модул «Фирмалық стиль» -заманауи білім берудегі мектеп бейнесі» тақырыбында пікірталас алаңы ұйымдастырылды. Іс-шараның негізгі мақсаты – оқушыларға мектеп формасының маңыздылығын түсіндіру, классикалық киім үлгісінің тәрбиелік мәнін ашу, сондай-ақ білім беру мекемелеріндегі зайырлы қағидаларды нығайту.Пікірталас барысында оқушылар мектеп формасының оқу үдерісіне, тәртіпке және мектеп мәдениетіне әсері туралы өз ойларын ортаға салды. Мектеп бейнесін қалыптастырудағы классикалық стильдің рөлі талқыланып, әртүрлі көзқарастар ұсынылды. Сонымен қатар, әлемдегі мектеп формасына қатысты тәжірибелер қарастырылып, олардың ерекшеліктері талданды. Шара барысында оқушылар белсенді пікір алмасып, өз ойларын дәлелдермен жеткізуге тырысты. Сынып жетекшілер М.Тұрысбек және Ж.Байсуанова тарапынан мектеп формасының негізгі талаптары түсіндіріліп, оның білім алушыларға тигізетін оң әсерлері атап өтілді. Пікірталас соңында қатысушылар мектеп бейнесінің заманауи білім берудегі рөлін атап өтіп, мектеп формасының ортақ стильдік тұжырымдамасын ұстанудың маңыздылығын қолдады.