«Өмірімді еліме арнадым» тақырыбында ақын Шырын Мамасеріковамен кездесу өтті

Темірбек Қожакеев атындағы №39 жалпы орта білім беретін мектеп-гимназиясында 20 ақпан күні «Әулиеата кітап оқитын өңір» жобасы аясында өткізілетін іс-шаралар жоспарына сәйкес  «Өмірімді еліме арнадым»  тақырыбында жергілікті ақын Шырын Мамасеріковамен кездесу өтті. Бұл кездесудің мақсаты – оқушылардың әдебиетке деген қызығушылығын арттыру, шығармашылық қабілеттерін дамыту және ұлттық құндылықтарды насихаттау.
Кездесуге мектептің ұстаздары мен жоғары сынып оқушылары қатысып, ақын шығармашылығы, өмір жолы, әдебиетке қосқан үлесі туралы тың ақпарат алды. Шара барысында оқушылар ақынның өлеңдерін оқып, сұрақтарын қойып, өз ойларымен бөлісті. Шырын Мамасерікова оқушыларға шабыт беретін әсерлі әңгімелер айтып, шығармашылық туралы құнды кеңестер берді.