«Қыз әдебімен көрікті» тақырыбындағы зияткерлік сайыс өткізілді

Темірбек Қожакеев атындағы №39 жалпы орта білім беретін мектеп-гимназиясының 7-8 сынып оқушылары арасында «Қыз әдебімен көрікті» тақырыбындағы  зияткерлік сайыс өткізілді. Бұл іс-шара «8 Наурыз – Халықаралық әйелдер күні» меркесі аясында өткізіледі. Мақсаты – қыз балаларға ұлттық тәрбие беру, олардың бойына әдептілік, инабаттылық, қарапайылық сияқты асыл қасиеттерді сіңіру. Сонымен қатар, олардың шығармашылық қабілеттерін шыңдау, қазақтың салт-дәстүрін және әдет-ғұрыптарын насихаттау және қыз баланың қоғамдағы рөлін дәріптеу.
Сайыс барысында қатысушылар өздерінің білімдерін, өнерлерін және ұлттық мәдениетке деген құрметтерін көрсете білді. Бағалау барысында олардың әдептілігі, тапқырлығы, өнері мен сөйлеу мәдениеті бағаланды. 
Зияткерлік сайыс төмендегідей кезеңдерден тұрды:  

1. «Сәлем сөздің анасы» -таныстыру;
2. «Сұлу сөз - көркем мінез»  - сұраққа жауап беру; 
3. «Сән үлгісі»  - өз киімін таныстыру, ұлттық киім үлгісін сипаттау;                     
4. «Салт-дәстүр және әдеп»  - қазақтың салт –дәстүрлеріне байланысты жағдаяттық сұрақтарға жауап беру;

Сайыс нәтижесі бойынша жеңімпаздар І,ІІ,ІІІ дәрежелі дипломмен марапатталды.