«Бестемше» зияткерлік ойыны өткізілді

Темірбек Қожакеев атындағы №39 жалпы орта білім беретін мектеп-гимназиясы «Біртұтас тәрбие» бағдарламасын іске асыру медиа жоспары бойынша 17 ақпан күні   2-5 сынып оқушылары арасында «Ұшқыр ой алаңы» жобасы аясында «Бестемше» зияткерлік ойыны өткізілді.
Іс-шараның мақсаты:

• Оқушылардың логикалық ойлау қабілеттерін дамыту;
• Интеллектуалдық қабілеттерін жетілдіру;
• Топтық жұмыс дағдыларын қалыптастыру;
• Қазақ халқының ұлттық ойындары мен танымдық мұрасын дәріптеу.

«Бестемше» ойынына 2-5 сынып оқушылары белсенді қатысты. Ойын бірнеше кезеңнен тұрды, әр кезеңде оқушылар логикалық сұрақтарға жауап беріп, математикалық есептерді шешіп, жылдам ойлау қабілеттерін көрсетті. Ойын барысында қатысушылар үлкен қызығушылық танытып, білімдерін шыңдады.
Ойын жоғары деңгейде ұйымдастырылып, оқушылардың белсенділігін арттырды. Іс-шара соңында жеңімпаздар мен белсенді қатысушылар марапатталды. Бұл зияткерлік ойын оқушылардың білімге деген қызығушылығын арттыруға және олардың ойлау қабілеттерін дамытуға зор үлес қосты.