«Назар аударыңыз – балалар» онкүндігі барысында жол қауіпсіздік ережелері бойынша ұйымдастырылған іс-шара

Темірбек Қожакеев атындағы №39 жалпы орта білім беретін мектеп-гимназиясында 2025 жылдың 2-12 қыркүйек аралығында өткізілген «Назар аударыңыз – балалар» онкүндігі аясында бірқатар іс-шаралар ұйымдастырылды.

Атап айтқанда, 1-4 сынып оқушыларына «Жол ережесін сақтайық!» тақырыбында қауіпсіздік сағаты өткізіліп, балаларға жолда жүру тәртібі, жаяу жүргіншілердің міндеттері мен жол белгілерінің маңызы түсіндірілді. Ал 5-11 сынып оқушыларына «Жол ережесінің қауіпсіздігі» тақырыбында тәрбие сағаттары ұйымдастырылып, оқушылардың жолда өздерін дұрыс ұстау мәдениеті, қоғамдық орындардағы қауіпсіздік ережелері, көлік құралдарының қозғалысына сақтықпен қарау қажеттігі туралы жан-жақты әңгіме қозғалды.