«Қыз бала тәрбиесі: тазалық, күтім және қауіпсіздік» тақырыбында сұхбаттасу кездесу өтті

Темірбек Қожакеев атындағы №39 жалпы білім беретін мектеп – гимназиясында 8-9 сынып оқушылары арасында «Қыз бала тәрбиесі: тазалық, күтім және қауіпсіздік» тақырыбында сұхбаттасу кездесу өтті. Кездесудің негізгі мақсаты – қыз балалардың өзін-өзі күту, жеке бас гигиенасы, қауіпсіздік мәдениеті және жауапкершілік туралы түсініктерін кеңейту.
Шараға мектеп психологы Э.Ахметова, әлеуметтік педагогтар А. Жанжигитова мен М. Жанзакова, мектеп медбикесі А. Бабаева, сондай-ақ мектеп инспекторы Г. Килебаева қатысты.
Маман-педагогтар оқушыларға жасөспірімдер денсаулығы, өзін-өзі құрметтеу, эмоциялық тұрақтылық, тұрмыстық және киберқауіпсіздік, зиянды әрекеттерден сақтану туралы мазмұнды ақпарат беріп, қыз балалардың пікірлерін тыңдап, ашық сұхбат жүргізді.