Бастауыш сынып әдістемелік айлығы басталды.

Темірбек Қожакеев атындағы #39 жалпы орта білім беретін мектеп - гимназиясында бастауыш сынып әдістемелік айлығы салтанатты түрде  ашылды. Егеменді еліміздің өсіп келе жатқан ұрпағын ойлы да іскер, жігерлі де батыл, өзіне-өзі сенімді, интеллектуалдық деңгейі биік, дүниетанымы дұрыс қалыптасқан азамат етіп тәрбиелеуде бастауыштың алатын орны айрықша. Айлықтың ашылу салтанатына  мектеп директоры Қалқабаева Асипа Асанқызы, директордың оқу ісі жөніндегі орынбасары Абилдаева Гулжан Жақсылыққызы, директордың ғылыми ісі жөніндегі орынбасары Киргизбаева Венера Амиреевна қатысты. Оқушыларды жаңаша оқыту арқылы білімдерін тереңдету және дамыту мақсатында өтетін айлық тақырыбы "Бастауыш сатыда жаңаша оқыту - жетістік көзі" деп аталады. Бастауыш айлығының ашылуында "Абай оқулары" мен "Мұқағали оқулырының" бас жүлде иегерлері өнер көрсетті. Іс-шарада мектебіміздің  өнерлі оқушылары  "Бастауышым- бастамам!" әнін,"Қасық" биін орындады. Айлық жоспарында ашық сабақтар, сыныптан тыс жұмыстар жоспарланған.
Мықты болсаң – алдағыны басып оз,
Мықты болсаң – арттағыны жеткізбе.
Мықты болсаң – тайғанама көк мұзда,
Мықты болсаң – бөгеттерді бұзып өт.
Мықты болсаң – заманыңды көктеп өт - дей отырып, мықтыларға арналған бастауыш пән айлығында оқушыларға үлкен жеңістерді, мұғалімдерге табыс тілейміз!!!