24
февраль
2022
«Мұқағали оқулары» атты мектепішілік мәнерлеп оқу байқауы өтілді.
Темірбек Қожакеев атындағы №39 жалпы орта білім беретін мектеп-гимназиясының 1-4 сынып оқушылары арасында ақиық ақын, Поэзия Хантәңірі – Мұқағали Мақатаевтың 90 жылдығына арналған «Мұқағали оқулары» атты мектепішілік мәнерлеп оқу байқауы өтілді.
Байқаудың мақсаты: оқушылардың поэзияға деген құштарлығын арттыру, өлең сөзінің құдіреті мен қуатын жанымен сезініп, жүрегімен түсінетін дарынды оқушыны анықтау.
Бастауыш сынып оқушылары арасынан байқауға барлығы 30 оқушы қатысты.
Байқаудың шарты бойынша оқушылардың жаттаған өлең саны 25-тен кем болмауы тиіс. Жүріс-тұрысы, сахна мәдениетін ұстауы үлгілі дәрежеде болуы тиіс. Мұқағали өлеңдерін ой кестесіне сай көркемдеп, мәнерлеп жатқа айтуы тиіс.
Мұқағали поэзиясына деген құштарлықтың буы бүгінгі таңда жас оқырманның бойынан көрінгені бізді қуантты. Соның дәлелі, мектебіміздің оқушылары ақынның өлеңдерін мәнерлеп нақышына келтіріп, жатқа оқыды. Меркі аудандық мәдениет үйінің әншілері Нұрлыбаева Гүлнұр мен Қойлыбаева Үлжан ақынның әсем сазды әндерін құлақтың құрышын қандыратындай көркем жеткізді.
Байқаудың нәтижесі бойынша үздік атанған оқушылар І, ІІ, ІІІ және БАС ЖҮЛДЕ дипломдарымен марапатталды. Байқауға қатысқан белсенді оқушыларға Алғыс хат берілді.
Мұқағали - мәңгілік өмір! Ақын көкірегінен буырқана ағылған жыр жанартаулары өлең құмар халыққа таусылмайтын сый, мол қазына болып қала бермек.
Байқаудың мақсаты: оқушылардың поэзияға деген құштарлығын арттыру, өлең сөзінің құдіреті мен қуатын жанымен сезініп, жүрегімен түсінетін дарынды оқушыны анықтау.
Бастауыш сынып оқушылары арасынан байқауға барлығы 30 оқушы қатысты.
Байқаудың шарты бойынша оқушылардың жаттаған өлең саны 25-тен кем болмауы тиіс. Жүріс-тұрысы, сахна мәдениетін ұстауы үлгілі дәрежеде болуы тиіс. Мұқағали өлеңдерін ой кестесіне сай көркемдеп, мәнерлеп жатқа айтуы тиіс.
Мұқағали поэзиясына деген құштарлықтың буы бүгінгі таңда жас оқырманның бойынан көрінгені бізді қуантты. Соның дәлелі, мектебіміздің оқушылары ақынның өлеңдерін мәнерлеп нақышына келтіріп, жатқа оқыды. Меркі аудандық мәдениет үйінің әншілері Нұрлыбаева Гүлнұр мен Қойлыбаева Үлжан ақынның әсем сазды әндерін құлақтың құрышын қандыратындай көркем жеткізді.
Байқаудың нәтижесі бойынша үздік атанған оқушылар І, ІІ, ІІІ және БАС ЖҮЛДЕ дипломдарымен марапатталды. Байқауға қатысқан белсенді оқушыларға Алғыс хат берілді.
Мұқағали - мәңгілік өмір! Ақын көкірегінен буырқана ағылған жыр жанартаулары өлең құмар халыққа таусылмайтын сый, мол қазына болып қала бермек.
