"Педагог мәртебесі" туралы Қ.Р Заңын тәжірибеде қолданудың өзекті мәселелері тақырыбында көшпелі семинар өтті

        Темірбек Қожакеев атындағы №39 жалпы білім беретін мектеп гимназиясында Жамбыл облысы білім және ғылым қызметкерлерінің жергілікті кәсіподағы мен аудандық кәсіподақ ұйымының ұйымдастыруымен, "Педагог мәртебесі" туралы Қ.Р Заңын тәжірибеде қолданудың өзекті мәселелері тақырыбында көшпелі семинар өтті. Семинар жұмысына кәсіподақ төрағасының әлеуметтік экономикалық және құқықтық қорғау жұмысы бойынша орынбасары Баймағамбетов Б.А., біріккен кәсіподақ ұйымының филиалының төрағасы Орынбеков Ж.Т., кәсіподақтың құқықтық және кадр мәселесі жөніндегі бас маманы Джолшыбекова А.И., бастауыш кәсіподақ ұйымының төрағалары, кәсіподақ үйірме модераторлары, мекеме басшылары және білім мекемелерінің есепшілері қатысты. Семинар барысында "Педагог мәртебесі" туралы заңның негізгі ережелері педагог қызметкерлерді аттестаттау ережесіндегі өзгерістер, заңнамаға енгізілген өзгерістер мен ұжымдық еңбек келісім шарттарына толықтырулар мен өзгерістер, педагогикалық кадрларды аттестаттаудан өткізу барысындағы кәсіподақ ұйымының ролі талқыланды.