"Аққулар ұйықтағанда" повесінен қойылымы

Бүгін 30 сәуір күні Темірбек Қожакеев атындағы #39ЖББМГ Өзін-өзі тану пәнінің мұғалімі Тлеужанова Толқын Әшімбекқызының 18жылдың ұстаздық жолындағы шығармашылық есеп беру кеші өтті. Толқын Әшімбекқызы еңбек жолын психолог маманы болып бастады. Шығармашылық есеп беру кеш өте әсерлі, әдемі өтті. Жетекшілік ететін 10"В" сыныбының қошаметімен ортаға шығып, Толқын апай туралы лэд экраннан толық ақпараттарды тамашаладық. Еңбек жолыдағы жеткен жетістіктері, шығарған әдістемелік құралдары барлығы үйлесіп, безендірілген акт залы керемет көрініс тапты. Мектебіміздің директоры Қалқабаева Асипа Асанқызы құттықтау сөз сөйлеп жылы лебізін білдірді. Кеш соңында оқушыларының "Аққулар ұйықтағанда" повесінен қойылымын тамашаладық. Қиын да жемісі мол ұстаздық жолыңызда игі еңбегіңіз табысты, шығармашыл, дарынды оқушыларыңыз көп болсын демекпіз!