«Мың алғыс саған Ұстазым!!!» тақырыбында концерттік бағдарлама өтті

Темірбек Қожакеев атындағы №39 ЖОББМГ  1- қазан ұстаз күніне орай  «Жас Ұлан» ұйымы мен «Өзін-өзі» басқару ұйымының оқушылары ұстаздарымызды ашық хатпен, бірінші  қабатта  құттықтап қарсы алды. «Мың алғыс саған Ұстазым!!!» тақырыбында концерттік мерекелік салтанатты бағдарламамен жалғасып,концерттік бағдарламаны мектебіміздің биылғы түлектері   11 сынып оқушылары ұйымдастырды. Салтанатты    мерекелік  іс-шараны мектеп директоры  Қалқабаева Асипат Асанқызының құттықтау сөзімен ашып, 11 сынып оқушыларының концерттік бағдарламасы жалғасын тапты. «Ұстаздық етпес жалықпас үйретуден балаға» — деген ұлы Абай бабамыз. Сіздер жас ұрпақтың санасына сыналай енгізетін тәлім-тәрбие, үлгі-өнеге өлшеусіз. Сіздер — жастардың болашағын айқындайсыздар, бүгін еккен дәндеріңіз ертеңгі жеңісті-жемісті күннің кепілі. Ұстаз болашақ азаматтарды ғана емес, бүкіл болашақ қоғамды қалыптастырады. Қоғам мен адамзат алдындағы өлшеусіз еңбектеріңізді ескере отырып, Сіздерге өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге толымды табыс тілейміз. Қызығы мен шыжығы қатар жүретін ұстаздық жолдарыңыз тек өрлеу мен өсуге бастасын.  Шәкірттеріңіздің құрметі мен махаббатына бөленіңіздер. Шығармашылық ізденістер, ғылыми жаңалықтарыңыз арта берсін. Мерекелеріңізбен! Мерейлеріңіз үстем болсын! -дей келе ұстаздарды құттықтау салтанатты іс-шара  өз мәресіне жетті.