«Тәуелсіз Қазақстан біздің ең қымбат, ең асыл құндылығымыз» тақырыбында кітапханада кітап көрмесі ұйымдастырылды.

Темірбек Қожекеев атындағы №39 жалпы орта білім беретін мектеп-гимназиясында Тәуелсіздігіміздің дамуы мен мемлекет ретінде қалыптасуын, сондай-ақ еліміздің жеткен жетістіктері мен толағай табыстарын баяндайтын «Тәуелсіз Қазақстан біздің ең қымбат, ең асыл құндылығымыз» тақырыбында кітапханада кітап көрмесі ұйымдастырылды. Көрме еліміздің тәуелсіздік алған сәтінен бастап бүгінге дейінгі жүріп өткен жолы туралы еңбектері және тәуелсіздік туралы әдебиет туындылармен қамтылған. Көрменің басты мақсаты: Ата-бабамыздың тәуелсіздік жолындағы ерлігін үлгі етіп, Тәуелсіздік алғаннан кейінгі Қазақстанның дербес мемлекет ретінде қалыптасу тарихына шолу жасау, сондай -ақ оқушыларға елі мен жерін қастерлеуге, Отанын сүюге тәрбиелеу. Оқушылар кітап көрмесімен танысып, әдебиеттерге қызығушылықтарын білдірді.