1 наурыз –Алғыс айту күніне орай атқарылған іс-шаралар туралы мәлімет

2018 жылдың ақпан айының 26-ы -наурыз айының 1-і күні аралығында 1 наурыз-Алғыс айту күніне орай іс-шаралар жоспары құрылды. Жоспар негізінде 1-4 сынып оқушылары арасында «Ата-анама мың алғыс» атты суреттер көрмесін ұйымдастырылды. Мектептің «Жас Ұлан» ұйымының ұйымдастыруымен мектеп дәлізіне «Сен кімге алғыс білдірер едің?» атты бұрыш, «Алғыс жәшігі» орналастырып, 1-11 сынып оқушылары өз тілектерін, алғыс хаттарын жолдады.
Сонымен қатар, жергілікті демеушілерді қатыстыра отырып «Мейірімділік көзқарасы» атты жетім қалған және ата-аналардың қамқорлығынсыз қалған оқушыларға демеушілік көмек көрсету іс-шарасын мектептің әлеуметтік педагогтары И.Накипова және А.Жанжігітова ұйымдастырды. Нәтижесінде 30000 еңге көлемінде отбасы үлгісіндегі балалар үйінің тәрбиеленушілері Р.Нагорный, А.Чижова және Г.Табиловға материалдық көмек көрсетілді.
Ақпан айының 27-і күні мектептің кіші Ассамблеясы және аудандағы этномәдени бірлестік мүшелері арасында «Осы елде тамыр жайдық біз» тақырыбында дөңгелек үстел ұйымдастырылды. Дөңгелек үстелде қонақтар Қазақстанға келу тарихымен бөлісіп, ел бейбітшіліг туралы ақылдарын айтты.
1 наурыз күні 1-11 сыныптарда «Алғыс жүректен шығады» атты сынып сағаттарын өткізіліп, «Алғысым шексіз» атты мерекелік концерт ұйымдастырылды.