«Сабақты бақылау: сандық, сапалық талдау жүргізу» тақырыбында мұғалімдерімен аудандық оқыту семинарын өтті.

      Меркі аудандық білім бөлімі мен «Назарбаев Зияткерлік мектептері» ДББҰ Педагогикалық  шеберлік орталығының Тараз қаласындағы филиалының тренері Нарегеева Агура Маарбанқызы және Меркі аудандық білім бөлімінің әдіскері Бопиева Сапаркуль Турганбаевнаның ұйымдастыруымен,  2022 жылдың 12 мамыр күні Темірбек Қожакеев атындағы №39 жалпы орта білім беретін мектеп-гимназиясының базасында, Жетекші мектеп активтері үшін «Сабақты бақылау: сандық, сапалық талдау жүргізу» тақырыбында қазақ тілі, орыс тілі,  тарих, география, математика, биология, химия, физика пәндерінің мұғалімдерімен аудандық оқыту семинарын өтті. Осы семинар барысында  тарих пәні мұғалімі Исакулова  Дариға Таулынқызы және математика пәні мұғалімі Нурланкулова Феруза Маликовна ашық сабақтар көрсетті. Исакулова Дариға Таулынқызы  10«В» сыныбымен "Ұлтаралық қарым-қатынастарды реттеудегі халықаралық ұйымдардың рөлі" тақырыбында ашық сабақ өткізді. Сабақ барысында мұғалім   "Стопкадр", "Блум түймедағы" әдістерін және Word wall   білім беру платформасымен "Сәйкестендіру"  тапсырмасын ойнату  арқылы білім алушылардың білімін жинақтады,мұғалім сабақта, жұптық бағалау, өзін-өзі бағалау арқылы, әр сабақ кезеңдері бағаланып отырды.Сондай – ақ математика пәні мұғалімі Нурланкулова Феруза Маликовна    10 "Д" сыныбымен "Применение производной" тақырыбында ашық сабақ өткізді.  Оқушылардың сабақ барысында жұмысқа қабілеттілігі және белсенділігін әртүрлі жұмыс формаларымен, жауаптарын бағалаумен  жүзеге асырды. Сабаққа, тақырыпқа  деген оқушылардың қызығушылығын сабақтың  әр түрлілігімен және әдістерді қолдану арқылы мұғалім жүзеге асырды. Осы сабақтар негізінде Ағура Маарбановна  мұғалімдермен бақылаудың негізгі мәселелері, сабақты бақылау моделі, бақылауды жүргізу бойынша ұсыныстар, құрылымдалған бақылауды жүргізу және  өз іс-тәжірибесімен бөлісіп, пікір алмасты, қатысушылардың сұрақтарына жауап беріп, семинарды қорытындылады.  Семинарға жалпы  ауданнан 43 мұғалім қатысты.https://www.instagram.com/p/Cde_POMoKUj/?igshid=YmMyMTA2M2Y=