Қорытынды аттестаттау емтиханы

     Темірбек Қожакеев атындағы № 39 жалпы орта білім беретін мектеп-гимназиясында 2021 жылдың 28 мамырында 9-сынып оқушылары арасында қазақ тілі мен әдебиеті пәні бойынша қорытынды аттестаттау емтиханы ұйымдастырылып өткізілді. Емтиханға аудандық білім бөлімінің басшысы А.А. Алтынбаева мен білім бөлімінің сектор меңгерушісі С. Б. Иманалиева қатысып, оқушыларға сәттілік тілеп, сынақтан сүрінбей өтулеріне тілек білдірді. 9 қазақ сыныбынан 102 оқушы, орыс сыныбынан 19 оқушы қатысты. Оның ішінде: 9 «а» сыныбында 18, 9 «б» сыныбында 22, 9 «в» сыныбында 19, 9 «г» сыныбында 19 және 9 «е» сыныбында 24 оқушы, ал 9«д» орыс сыныбында 19 оқушы сынақтан өтті.  Емтихан ережесіне сай қазақ сыныптары қазақ тілі пәнінен, ал орыс сыныптары орыс тілі пәнінен эссе жазды. Оқушыларға эссе тақырыптары 9:00 - де таратылып, үш сағат уақыт беріліп, 12:00 - де аяқталды. Қорытынды аттестаттау барысында емтихан талаптары мен санитарлық талаптар қатаң түрде сақталды. 
Әр сыныптағы емтиханға бір емтихан алушы мен екі ассистент ұстаз қатысты. 
Қорытынды аттестаттау өз деңгейінде өтті.