«Сыйынар ем, Ана деген тәңірге!» атты концерттік бағдарлама өткізілді.

     Темірбек Қожакеев атындағы №39 жалпы орта білім беретін мектеп-гимназиясында «Сыйынар ем, Ана деген тәңірге» атты концерттік бағдарлама  өткізілді. Іс-шараға мектеп оқушылары мен ерекше білімді қажет ететін оқушылар қамтылды. Концерттік бағдарламаның ашылуы 4 сынып оқушыларының «Анаға шашу» әнімен басталды.Кештің жалғасын мектеп директоры Қалқабаева  Асипа Асанқызы сөз сөйлеп, ұжымды халықаралық әйелдер мерекесімен құттықтап, алғысын білдірді. Ерекше білімді қажет ететін оқушылар Парахат Асел күй сандықпен «Анаға жыр» әнін тарту етсе, Қойшыбай Айым өзінің «Анашым қартаймашы жалынамын» әнімен ұстаздардың жүрегінен орын таба білді. Сонымен қатар Бекенқызы Қалжан мен Парахат Асел өз қолөнер туындыларын көрме ретінде ұсынды. Кеш 3-сынып оқушыларының заманауи биімен жалғасын тауып, 6-сынып оқушылары мың бұралған өзбек биімен көрермендерді тәнті етті. 2-сынып оқушыларының орындауымен  аяулы аналарымызға арнап,  «Аяулы ана» әнін тарту етсе, 3-сынып оқушылары «Алғыс анаға» әнімен алғыстарын білдірді.  Оқушылардың мектеп жүрегі, мектептің анасы ұстаздарын құттықтаумен кеш өз мәресіне жетті.