«Қош келдің, Әз – Наурыз!» атты мектепішілік мерекелік кеші өткізілді.

    Темірбек Қожакеев атындағы №39 жалпы орта білім беретін мектеп–гимназиясында 22–Наурыз мерекесіне «Қош келдің, Әз – Наурыз!» атты мектепішілік кешіміз өтті. 

    Мақсаты: «Наурыз» мейрамы туралы түсінік беру арқылы қазақ халқының салт - дәстүрін көрсету және оны құрметтей білуге тәрбиелеу. Наурыз мерекесінің қазақ даласындағы орны, наурыз мерекесі туралы түсінік беру, Наурыз мерекесін ұлттық салт - дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру.

      Мерекелік кешімізді Қыдыр атамыз бен Жер анамызды ортаға шақырып, тілектерімен ақ батасын алып бастадық. Кешіміздің жүргізушілері Наурыз батыр мен Көктем аруының алғы сөздерімен басталды. Құрметті ұстаздар, оқушылар, қонақтар! Сіздерді қазақтың ұлттық мерекесі Ұлыстың ұлы күні– Наурыз Мерекесімен шын жүректен құттықтаймыз. Бүгінгі болғалы отырған «Қош келдің, Әз-Науыз» атты мерекелік концертке қош келдіңіздер! 

Кешімізде өнер көрсеткен мектебіміздің «Балауса» бишілер тобының «Қазақша» биі (4-сыныптар), Ән: «Наурызым көктем!» 3 «Г» Қанат Іңкәр мен Аваш Айбибі, 1- сынып қыздарының «Наурыз биі», «Өмір» 2 «Ә» сынып оқушысы Медер Елжас, Абайдың – «Көзімнің қарасы» әнін ұлттық аспабымызда Қобызда орындады, Ән: «Наурызым мерекем!» 3 «Ә» сынып оқушылары.

 Ұлыстың ұлы күні күнінде халқымыздың салт – дәстүрлері жаңғыртылады. Ежелден келе жатқан шілдехана, бесік той, тұсау кесер, сүндет той, қызд ұзату, құдалық іспетті дәстүрлеріміз тойдың сәнін келтіреді. Бүгінгі іс – шарамызда осы салт -дәстүріміздің бірі тұсау кесер рәсімін өткізбекшіміз.

Ортаға Қайырғали Жанниет атты бүлдіршіннің тұсауын кесу үшін мектебіміздің директоры Қалқабаева Асипа Асанқызын шақырамыз, және бүлдіршіннің екі жәнінен ұстайтын  мектебіміздің Ұлағатты ұстаздары Айман Зияшевна мен Тілеужанова Толқын апкейлеріміз шықты.

                      Наурыз құтты болсын!