Халықаралық қарттар күніне өткізілген кездесудің анықтамасы

Темірбек Қожакеев атындағы жалпы білім беретін мектеп-гимназиясында халықаралық қарттар күніне өткізілген кездесудің Анықтамасы

Күні: 01.10.2021 жыл

Қатысқандар: 10-11 сынып оқушылары

Мақсаты: оқушыларға ұлттық қадір-қасиеттер, имандылық, үлкенді қадірлеу, үлкенге ізет, кішіге құрме көрсету керектігін түсіндіру. Оқушыларға еңбекті сүюге, Отанымыздың білікті де, білімді адал азаматы болуға тәрбиелеу.

Барысы: 2021 жылдың 1 қазан күні мектебіміздің 10-11 сыныптарымен әлеуметтік педагог және Қамқоршылық кеңес мүшесі Айтугулова Ж. ұйымдастыруымен халықаралық қарттар күніне орай «Қарттарым – асыл қазынам» атты тақырыбында қарттармен кездесу ұйымдастырылды. 10-11 сынып оқушылары гүл шоқтары мен өздерінің пісірген тәттілерін алып, ауданымыздың қарт тұрғындары үйіне барып, кездесті. Оқушылар қарттармен бірге дастарханнан дәм ауыз тиіп, өсиетті әңгімелерін тыңдап, рухани азық алып және қарттардың үйлерін жинастырып, аулаларын тазалап көмек көрсетіп қайтты.