Асхананың бақылау бойынша құрылған бракераждық комиссияның қорытынды анықтамасы
Темірбек Қожакеев атындағы №39 жалпы орта білім беретін мектеп-гимназиясында асхананың бақылау бойынша құрылған бракераждық комиссияның қорытынды анықтамасы
Меркі ауылы 2.03.2022 жыл
2022 жылдың 2 наурыз күні тамақтану сапасына мониторинг жүргізу бойынша бракераждық комиссия мүшелері мектеп асханасын, тамақтану жағдайын, санитарлық талаптардың сақталуын қадағалау үшін тексеру жүргізілді. Тамақтану сапасына мониторинг жүргізіліп, АКТісі толтырылды. Тексеріс барысында ауыз су режимі, бақылаудағы тағамдардың болуы, асханалық аспаптардың дұрыс сақталуы, тоңазытқыш жабдығының санитарлық жағдайы тексеріліп, тамақ порциялары өлшенді.
Комиссия құрамы асхананың санитарлық жағдайын, тамақ өнімдерінің сапасын, оларды сақтауы, өнімнің мерзімдері, сапасы, тамақтану кезінде білім алушылардың санитарлық-гигиеналық тазалық талаптарын сақтауын, ас блогындағы ас мәзірінің дұрыс әзірленуін, сақталуын, ас әзірлейтін азық-түлік пен дайындалған астың сапасын, аспазшылардың денсаулығын, тазалығын тексерілді.
Медицина қызметкері А.Бабаева күнделікті тағамдардың және өнім сапасын органолептикалық бағалау журналына жазып, анықтап, дайын тағамның сапасына органолептикалық бағалау жүргізген.Жеткізілген шикі және дайын өнімдердің және оларды сақтау шарттары жарамдылық мерзіміне сәйкес.Тексеру барысында бірінші кезекте асхананың санитарлық тазалығы, асхананың толымдылығы 30%- дан артық болмау шарты, әлеуметтік қашықтықты сақтау, үстелдер мен келушілер арасындағы қашықтық кемінде 2 метр болуы, едендегі белгілер, қоршаулар, тосқауыл таспалар жүргізілуі, тамақтанарда білім алушылардың санитарлық-гигиеналық тазалық талаптарын сақтауы, ас мәзірінің дұрыс әзірленуі, сақталуы, аспазшылардың тазалығы, тағам дайындау технологиясында тоңазытқыш-технологиялық жабдықтардың жарамдылығы тексеріліп, асхананың жұмысында, ондағы санитарлық талаптардың сақталуы бойынша қандай да бір кемшіліктер анықталмады.
