“Жалынды ақын - Махамбет” тақырыбында ашық тәрбие сағатын өтті.

Темірбек Қожакеев атындағы №39 ЖОББМГ-да ”Тарихқа құрмет” жобасы аясында Махамбет Өтемісұлының өмірі мен шығармашылығына арналған “Жалынды ақын - Махамбет” тақырыбында ашық тәрбие сағатын өтті. Сабақтың мақсаты: Бүгінгі өскелең ұрпаққа ақынның кім екендігін,оның шығармаларының тақырыбын, мақсатын, тарихын аша отырып, ақынды тағы да жаңа қырынан таныту, өмірге,тарихқа жаңаша көзқарас қалыптастыру, ақын өміріндегі ұлтжандылықты ұғындыру. Сабақ барысында оқушыларға “Мен,мен едім, мен едім...” атты бейнебаян көрсетілді. Бейнебаянда  Махамбеттің бүкіл болмысы, Махамбеттің күрескерлік әлемі, Махамбеттің батыр жүрегі,  Махамбеттің ісі, елге деген махаббаты, елдің тәуелсіздігіне деген жауапкершілігі мен дұшпанға өшпенділігі көрініс берді. “Поэзия минутында” оқушылар ақынның өлеңдерін жатқа айтты.  Махамбеттің жыр-толғауы- бір кезеңнің баяны емес, күллі адамзатқа тән азаттық пен теңдіктің өшпейтін ұраны.