“Ұшқыр ой, озық білім” интеллектуалдық ойын өтті

Темірбек Қожакеев атындағы №39 жалпы орта білім беретін мектеп-гимназиясында «Әулиеата кітап оқитын өңір» жобасы аясында өткізілетін іс-шаралар жоспарына сәйкес “Ұшқыр ой, озық білім” тақырыбында 10 - сынып оқушылары мен ата-аналар арасында интеллектуалдық ойын ұйымдастырылды.                                                                                                                   
Бұл іс-шараның мақсаты – оқушылар мен ата-аналар арасында білімге деген қызығушылықты арттыру, логикалық ойлау қабілеттерін дамыту, шығармашылық және сыни ойлауды қалыптастыру.
Интеллектуалдық ойын бірнеше кезеңнен тұрды:
"Білімділер бәйгесі" – жалпы білімге негізделген сұрақтар;
"Логикалық тапсырмалар" – тез ойлау мен шешім қабылдауға бағытталған тапсырмалар;
"Тарих және мәдениет" – еліміздің тарихи және мәдени мұрасына қатысты сұрақтар;
"Жұмбақ шешу" – танымдық әрі қызықты тапсырмалар;
"Жедел жауап" – сұрақтарға жылдам әрі нақты жауап беру.
Ойын барысында ата-аналар мен оқушылар белсенділік танытып, өз білімдері мен тапқырлықтарын көрсетті. Интеллектуалдық сайыс қызықты әрі тартысты өтіп, қатысушыларға зор әсер қалдырды. Жеңімпаздар арнайы сертификаттармен және алғыс хаттармен марапатталды.
Іс-шара жоғары деңгейде ұйымдастырылып, оқушылар мен ата-аналардың білімге деген қызығушылығын арттыруға ықпал етті.